काठमाडौं । युनियन हाइड्रोपावर लिमिटेडले वार्षिक साधारण सभा बोलाएको छ । कम्पनीको मंसिर २८ गते बसेको सञ्चालक समितिको बैठकले पुस २२ गते साधरण सभा बोलाएको हो ।
सभा सिद्धार्थ कटेज, ललितपुर–३, धोविघाटमा बिहा ११ बजे सुरु हुनेछ । साथै, भर्चुअल माध्यममार्फत पनि सभामा भाग लिन सकिनेछ । कम्पनीले सेयरधनीलाई कुनै पनि लाभांश प्रस्ताव गरेको छैन ।
सभामा आर्थिक वर्ष २०७८/७९ को सञ्चालक समितिको वार्षिक प्रतिवेदन, वासलात, नाफा नोक्सान लगायतका विषयमा छलफल गर्ने प्रस्ताव हुनेछ । त्यस्तै, आर्थिक वर्ष २०७९/८० का लागि लेखापरीक्षक नियुक्ति गरी पारिश्रमिक निर्धारण गर्ने एजेन्डा पनि छ ।
सभा प्रयोजनका लागि कम्पनीले पुस १४ गते बुक क्लोज गर्ने भएको छ । पुस १३ गतेसम्म कायम रहने सेयरधनी मात्र सभामा भाग लिन सक्नेछन् ।
वि.सं.२०७९ मंसिर २९ बिहीवार १२:०४ मा प्रकाशित
