काठमाडौं । हाइड्रोईलेक्ट्रीसिटी इन्भेष्टमेन्ट एण्ड डेभलपमेन्ट कम्पनी लिमिटेडले साधारण सभा बोलाएको छ।
कम्पनीले हाल कायम चुक्ता पूँजीको ५ प्रतिशतका दरले बोनस शेयर र ०.२६ प्रतिशत नगद लाभांश गरी कुल ५.२६ प्रतिशत लाभांश वितरण गर्ने घोषणा गरेको छ। सो प्रस्ताव पारित गर्न कम्पनीले अर्पण ब्याङ्कवेट, थापागाउँ, नयाँ बानेश्वरमा एघारौँ वार्षिक साधारण सभा डाकेको हो। सो सभा पुस २६ गते मंगलबार बिहान १० बजे शुरु हुनेछ।
साथै सभाले कम्पनीको प्रबन्धपत्र तथा नियमावली संशोधन गर्न सञ्चालक समितलाई अख्तियारी प्रदान गर्ने, कम्पनीको स्वतन्त्र सञ्चालक पदमा एक जना नियुक्त गर्ने, लेखापरीक्षक नियुक्त गर्ने लगायतका प्रस्तावहरु पनि पारित गर्नेछ।
साधारण सभा तथा लाभांश वितरण प्रयोजनार्थ कम्पनीले पुस १४ गते बुकक्लोज गर्ने भएको छ। यसर्थ, पुस १३ गतेसम्म नेप्सेमा कारोबार भइ कायम शेयरधनीहरुले कम्पनीको साधारण सभामा सहभागिता जनाउन तथा कम्पनीले वितरण गर्ने बोनस शेयर प्राप्त गर्न सक्नेछन्।
वि.सं.२०७९ पुस ५ मंगलवार ११:२४ मा प्रकाशित
