काठमाडौं । सिद्धार्थ इन्स्योरेन्सले गत आर्थिक वर्षको मुनाफाबाट प्रस्ताव गरेको लाभांश संशोधन गरेको छ । नियामक बिमा समितिको निर्देशन बमोजिम कम्पनीले नगद लाभांशको सट्टा बोनस सेयर दिन लागेको हो । कर प्रयोजनका लागि भने नगद पनि दिइने कम्पनीले जनाएको छ ।
कम्पनी संञ्चालक समितिको कार्तिक २९ गते बसेको बैठकले हाल कायम चुक्ता पूँजीको ९.४७३७ प्रतिशतले हुन आउने १२ करोड २० लाख २१ ह्जार ५३ रुपैयाँ बराबरको नगद (कर सहित) प्रस्ताव गरी आर्थिक वर्ष २०७८/७९ वित्तीय विवरण स्वीकृतीको लागि बीमा प्राधिकरण पठाएको थियो ।
त्यस अनुसार कम्पनीले गत आर्थिक वर्षको मुनाफाबाट ९ प्रतिशत बोनस शेयर र कर प्रयोजनको लागि ०.४७३७ प्रतिशत नगद लाभांश वितरण गर्ने निर्णय गरेको छ ।
कम्पनीले लाभांश तथा मर्जरको प्रस्ताव पारित गर्न पुस २९ गते, बिहान ११ बजे, नेपाल पर्यटन बोर्डको सभाकक्ष, भृकुटी मण्डप काठमाडौंमा २१ औं वार्षिक साधारण सभा बोलाएको छ ।
सभाले प्रस्तावित लाभंश सहित सिद्धार्थ इन्स्योरेन्स र प्रिमियर इन्स्योरेन्स एक आपसमा गाभ्ने गाभिने सम्बन्धी विषेश प्रस्ताव पारित गर्नेछ । दुई कम्पनी गाभिए पश्चात बन्ने कम्पनीको नाम सिद्धार्थ प्रिमियर इन्स्योरेन्स कम्पनी बन्नेछ ।
वि.सं.२०७९ पुस ८ शुक्रवार १२:५८ मा प्रकाशित