काठमाडौं । नेरुडे लघुबित्त र मिर्मिरे लघुबित्त बिच मर्जर सम्झौता भएको छ । यी दुई संस्थाबीच सोमबार दिउँसो ४ बजे बिराटनगरमा मर्जरको लागि सम्झौता भएको हो ।
सम्झौतामा मिर्मिरे लघुवित्तको तर्फबाट अध्यक्ष टेक बहादुर बोहरा र नेरुडे लघुवित्तको तर्फबाट अध्यक्ष डा. भेषराज धमलाले हस्ताक्षर गरेका छन् । नेरुडे लघुवित्तको केन्द्रीय कार्यालय बिराटनगरमा रहेको छ भने मिर्मिरे लघुवित्तको केन्द्रीय कार्यालय काभ्रेको बनेपामा रहेको छ ।
हाल मिर्मिरेको चुक्ता पुँजी ५३ करोड १२ लाख रहेको छ भने नेरुडेको चुक्ता पुँजी ६० करोड रहेको छ ।
वि.सं.२०७९ पुस १२ मंगलवार १०:२८ मा प्रकाशित
