काठमाडौं । आठ कम्पनीको लाभांश छुरक्षित गर्ने आज अर्थात पुस १९ गते अन्तिम दिन रहेको छ । साधना लुघवित्त, मिर्मिरे लघुवित्त, गुराँस लघुवित्त, शिवम् सिमेन्ट्स, हिमालयन डिष्टिलरी, मुक्तिनाथ विकास बैंक, बोटलर्स नेपाल (तराई) लिमिटेड र बोटलर्स नेपाल (बालाजु) लिमिटेडले लाभांश प्रयोजनार्थ भोली अर्थात पुस २० गते बुकक्लोज गर्ने भएसँगै यी कम्पनीहरुको आज लाभांश पाउन आज १९ गते नै सेयरधनी बनिसक्नु पर्नेछ ।
साधना लघुवित्तले गत आर्थिक वर्षको मुनाफाबाट १९ प्रतिशत बोनस शेयर र कर प्रयोजनका लागि १ प्रतिशत नगद लाभांश वितरण गर्ने प्रस्ताव गरेको छ । उक्त लाभांश पारित गर्न संस्थाले पुष ३० गते छैठौं साधारण सभा बोलाएको छ ।
मिर्मिरे लुघवित्तले गत आर्थिक वर्षको मुनाफाबाट शेयरधनीहरुलाइ २३ प्रतिशत बोनस शेयर प्रस्ताव गरेको छ । प्रस्तावित लाभांश पारितका लागि संस्थाले यहि पुस ३० गते १२औं सभा आह्वान गरेको छ ।
गुँरास लुघवित्त वित्तीय संस्था लिमिटेडले गत आवको मुनाफाबाट शेयरधनीहरुलाई ४ प्रतिशत बोनस शेयर र कर प्रयोजनका लागि ०.२१०५२६ प्रतिशत नगद लाभांश प्रस्ताव गरेको छ । संस्थाले पुष ३० गते सातौं वार्षिक साधारण सभा बोलाएको छ ।
शिवम् सिमेन्ट्स लिमिटेडले गत आर्थिक वर्ष को मुनाफाबाट शेयरधनीहरुलाई १०.५३ प्रतिशत नगद लाभांश वितरण गर्ने निर्णय गरेको छ । प्रस्ताव पारित गर्न कम्पनीले यहि पुस २९ गते होटल सातौं साधारण सभा बोलाएको छ ।
हिमालयन डिष्टिलरीले गत आर्थिक वर्षको मुनाफाबाट शेयरधनीहरुलाई ६० प्रतिशत बोनस शेयर र १० प्रतिशत नगद लाभांश(कर समेत) गरी कुल ७० प्रतिशत लाभांश वितरण गर्ने प्रस्ताव गरेको छ । सोही लाभांश पारित गर्न कम्पनीले पुस २७ २२औं सभा डाकेको छ ।
मुक्तिनाथ विकास बैंकले गत आर्थिक वर्षको मुनाफाबाट शेयरधनीहरुलाई १३.५ प्रतिशत बोनस शेयर र कर प्रयोजनका लागि ०.७१०५ प्रतिशत नगद लाभांश वितरण गर्ने प्रस्ताव गरेको छ । सोही प्रस्ताव पारित गर्न बैंकले पुस ३० गते १६औं साधारण सभा बोलाएको छ ।
बोटलर्स नेपाल (तराई)ले गत आर्थिक वर्षको मुनाफाबाट शेयरधनीहरुलाई प्रति शेयर ६० रुपैयाँ वितरण गर्ने प्रस्ताव गरेको छ । सोही प्रस्तावित लाभांश पारित गर्न कम्पनीले पुस २७ गते ३६औं साधारण सभा डाकेको छ ।
बोटलर्स नेपाल (बालाजु)ले गत आर्थिक वर्षको मुनाफाबाट शेयरधनीहरुलाई प्रतिशेयर २० रुपैयाँ वितरण गर्ने प्रस्ताव गरेको छ । लाभांश पारित गर्न कम्पनीले पुस २७ गते गते ४४औं साधारण सभा बोलाएको छ ।
वि.सं.२०७९ पुस १९ मंगलवार ०७:१३ मा प्रकाशित
