काठमाडौं । स्टक ब्रोकर एसोसिएसन नेपालको अध्यक्षमा धर्मराज सापकोटा निर्वाचित भएका छन् । उनले निकटतम प्रतिस्पर्धी गुणनिधि भुसाललाई पराजित गरेका हुन् । सापकोटाले २८ मत ल्याएर विजयी भएका हुन् भने भुसालले १६ मत ल्याएका हुन ।
निर्वाचित सापकोटा ३७ नम्बर सर्वलक्ष्मी सेक्युरिटिजका सञ्चालक हुन् । सापकोटा र भुसालबीच सहमतिको प्रयास असफल भएपछि चुनाब भएको थियो ।
एसोसिएसनको उपाध्यक्षमा सरिता अधिकारी, महासचिवमा फणिन्द्र ढकाल, कोषाध्यक्षमा मदन पौडेल, सचिवमा सुवोध अधिकारी चयन भएका छन् । त्यसैगरी, सदस्यमा मित्रलाल श्रेष्ठ, प्रियान्सु अग्रवाल र प्रज्जवल उप्रेती चयन भएका हुन् ।
वि.सं.२०७९ पुस २४ आइतवार ०९:३५ मा प्रकाशित
