काठमाडौं । युनाइटेड इदी मार्दी एन्ड आर बी हाइड्रोपावरले आफ्ना सेयरधनीहरुलाई नगद लाभांश वितरण गर्न सुरु गरेको छ ।
कम्पनीको मंसिर २८ गते बसेको साधारण सभाले आर्थिक वर्ष २०७८/७९ को नाफाबाट सेयरधनीलाई जम्मा १०.५२६ प्रतिशत नगद लाभांश (कर सहित) वितरण गर्ने प्रस्ताव पारित गरेको थियो ।
सोही लाभांश डिम्याट खातामा बैंक खाता अद्यावधिक गराएका सेयरधनीलाई पुस १८ गते देखि १०.५२६ प्रतिशत नगद लाभांश (कर सहित) जम्मा गर्न सुरु गरेको कम्पनीले जनाएको छ ।
यता, कम्पनीले नगद लाभांश खातामा नआएका सेयरधनीलाई डिम्याट खाता र बैंक खाता अपडेट गर्न भनेको छ । अपडेट गरेपछि लाभांश पाइनेछ ।
वि.सं.२०७९ पुस २५ सोमवार ११:५९ मा प्रकाशित
