काठमाडौं । कम्पनीहरुले धमाधम लाभांश घोषणा गरिरहेका छन् । यसै बीच आज पुस २६ गते मंगलबार थप ४ कम्पनीहरुले लाभांश घोषणा गरेका छन् । उक्त दिन कृषि विकास बैंक, महुली लघुवित्त, डिप्रोक्स लघुवित्त र महिला लघुवित्तले लाभांश घोषणा गरेका हुन् ।
कृषि विकास बैंक
कृषि विकास बैंक लिमिटेडको सञ्चालक समितिको बैठकले लाभांश वितरण गर्ने निर्णय गरेको हो।बैंकले गत आर्थिक वर्षको मुनाफाबाट शेयरधनीहरुलाई वितरण गर्ने हाल कायम चुक्ता पूँजीको १३ प्रतिशत लाभांश वितरण गर्ने घोषणा गरेको हो। जसमध्ये २ प्रतिशत बोनस शेयर रहेको छ भने ११ प्रतिशत नगद लाभांश (कर सहित) रहेको छ।
त्यसैगरी, बैंकले अग्राधिकार शेयर पूँजीमा वार्षिक ६ प्रतिशतका दरले नगद लाभांश वितरण गर्ने घोषणा पनि गरेको छ। नेपाल राष्ट्र बैंकबाट स्वीकृत भई आगामी वार्षिक साधारण सभाबाट पारित भएपश्चात सो लाभांश वितरण गरिनेछ।
महुली लघुवित्त
महुली लघुवित्त वित्तीय संस्था लिमिटेडको पुस २५ गते बसेको सञ्चालक समितिको बैठकले लाभांश वितरण गर्ने निर्णय गरेको हो।
लघुवित्तले गत आर्थिक वर्षको मुनाफाबाट शेयरधनीहरुलाई वितरण गर्ने हाल कायम चुक्ता पूँजीको २० प्रतिशत बोनस शेयर र ५ प्रतिशत नगद लाभांश (कर सहित) गरी जम्मा २५ प्रतिशत लाभांश वितरण गर्ने घोषणा गरेको हो।
उक्त लाभांश नेपाल राष्ट्र बैंकबाट स्वीकृत भई आगामी वार्षिक साधारण सभाबाट पारित भएपश्चात सेयरधनीमा वितरण गरिनेछ।
डिप्रोक्स लघुवित्त
डिप्रोक्स लघुवित्त वित्तीय संस्था लिमिटेडको सञ्चालक समितिको बैठकले लाभांश वितरण गर्ने निर्णय गरेको हो।
लघुवित्तले गत आर्थिक वर्षको मुनाफाबाट शेयरधनीहरुलाई वितरण गर्ने हाल कायम चुक्ता पूँजीको १० प्रतिशत बोनस शेयर र ११.०५२ प्रतिशत नगद लाभांश ९कर सहित० गरी कुल २१.०५२ प्रतिशत लाभांश वितरण गर्ने घोषणा गरेको छ ।
अब उक्त नेपाल राष्ट्र बैंकबाट स्वीकृत भई आगामी वार्षिक साधारण सभाबाट पारित भएपछि सेयरधनीमा वितरण गरिनेछ।
महिला लघुवित्त
महिला लघुवित्त वित्तीय संस्था लिमिटेडको सञ्चालक समितिको बैठकले लाभांश वितरण गर्ने निर्णय गरेको हो।
लघुवित्तले गत आर्थिक वर्षको मुनाफाबाट शेयरधनीहरुलाई वितरण गर्ने हाल कायम चुक्ता पूँजीको ४७.५ प्रतिशत बोनस शेयर र २.५ प्रतिशत नगद लाभांश (कर सहित) गरी जम्मा ५० प्रतिशत लाभांश वितरण गर्ने घोषणा गरेको हो।
उक्त लाभांश नेपाल राष्ट्र बैंकबाट स्वीकृत भई आगामी वार्षिक साधारण सभाबाट पारित भएपश्चात सेयरधनीमा वितरण गरिनेछ।
वि.सं.२०७९ पुस २६ मंगलवार १८:३५ मा प्रकाशित
