काठमाडौं । नेपाल बैंकर्स संघले मुद्दती निक्षेपको ब्याजदर घटाउने निर्णय गरेको छ । संघको आज बुधबार बसेको बैठकले माघ महिनाको लागि १.१३ प्रतिशतको दरले ब्याजदर घटाउने निर्णय गरेको हो ।
नेपाल बैंकर्स संघका नव नियुक्त अध्यक्ष तथा एनएमबि बैंकका प्रमुख कार्यकारी अधिकृत सुनिल केसीले ब्याजदर घटाउने निर्णय गरेको जानकारी दिए । संघको आज सम्पन्न विशेष साधारणसभाबाट सुनिल केसी सर्वसम्मत संघको अध्यक्ष चयन भएका हुन् ।
जस अनुसार अब माघ महिनाको लागि वाणिज्य बैंकमा व्यक्तिगत मुद्दतीतर्फको ब्याजदर १२.१३ प्रतिशतबाट घटेर ११ प्रतिशत कायम हुने भएको छ । त्यस्तै संस्थागत मुद्दतीतर्फको ब्याज पनि १०.१३ प्रतिशतबाट घटेर ९ प्रतिशत कायम हुने भएको छ ।
वि.सं.२०७९ पुस २७ बुधवार २०:३४ मा प्रकाशित
