काठमाडौं । नेपाल स्टक एक्सचेञ्ज (नेप्से)ले तीन कम्पनीको शेयर कारोबार फुकुवा गरेको छ । नेप्सेले साल्ट ट्रेडिङ कर्पोरेशन, महुली लघुवित्त र महिला लघुवित्तको शेयर कारोबार फुकुवा गरिदिएको हो ।
तीनवटै कम्पनीले गत आर्थिक वर्ष २०७८/७९ को लाभांश सम्बन्धि पत्र नेप्सेमा कारोबार समयमा उपलब्ध गराएको हुँदा नेप्सेले धितोपत्र सूचीकरण नियमावली बमोजिम शेयर कारोबार रोक्का राखेको थियो ।
नेप्सेले ३ दिनभित्र के कति कारणले यस्तो हुन पुगेको कारण खुलाई स्पष्टिकरण सोधेकोमा यी तीनवटै कम्पनीले अबदेखि यस्तो गल्ती नदोहोर्याउने जनाउँदै स्पष्टिकरण पेश गरेको हुँदा आज माघ ३ गतेदेखि शेयर कारोबार फुकुवा गरिदिएको जानकारी दिएको छ । अब यी तिनवटै कम्पनीको शेयर भोली देखि कारोबारमा आउनेछ ।
वि.सं.२०७९ माघ ३ मंगलवार १५:३६ मा प्रकाशित