काठमाडौं । एनआरएन इन्फ्रास्ट्रक्चर एन्ड डेभलपमेन्ट लिमिटेडले आफ्ना सेयरधनीहरुलाई नगद लाभांश वितरण सुरु गरेको छ ।
कम्पनीको पुस २० गते बसेको साधारण सभाले आर्थिक वर्ष २०७८/७९ को नाफाबाट सेयरधनीलाई जम्मा ५.२६ प्रतिशत नगद लाभांश (कर सहित) वितरण गर्ने प्रस्ताव पारित गरेको थियो ।
सोही लाभांश डिम्याट खातामा बैंक खाता अद्यावधिक गराएका सेयरधनीलाई पुस २४ गते देखि जम्मा गर्न सुरु गरेको कम्पनीले जनाएको छ ।
कम्पनीले नगद लाभांश खातामा नआएका सेयरधनीलाई डिम्याट खातामा बैंक खाता अद्यावधिक गर्न भनेको छ । त्यसपछि कम्पनीले वितरण गर्ने लाभांश पाइनेछ ।
वि.सं.२०७९ माघ ५ बिहीवार ११:३८ मा प्रकाशित