काठमाडौं । नेपाल क्रेडिट एन्ड कमर्स (एनसीसी) बैंकलाई प्राप्ति गरेको कुमारी बैंकले चालु आर्थिक वर्ष २०७९/८० को दोस्रो त्रैमासको अपरिष्कृत वित्तीय विवरण प्रकाशित गरेको छ ।
चालु आर्थिक वर्षको दोस्रो त्रैमाससम्म आइपुग्दा १ अर्ब १ करोड २० लाख ७० हजार रुपैयाँ खुद नाफा कमाएको छ । यो अघिल्लो वर्षको तुलनामा ६.३४ प्रतिशतले बढी हो । अघिल्लो वर्षको यसैअवधिमा बैंकले ९५ करोड १७ लाख ३८ हजार रुपैयाँ खुद नाफा कमाएको थियो ।
एक वर्षको अवधिमा खुद ब्याज आम्दानी ६१.६४ प्रतिशतले बढेर ४ अर्ब २४ करोड ६ लाख ४४ हजार रुपैयाँ पुगेको छ ।
अघिल्लो वर्षको यसैअवधिमा यसले २ अर्ब ६२ करोड ३५ लाख ४ हजार रुपैयाँ खुद ब्याज आम्दानी कमाएको थियो । सञ्चालन नाफा १४.९४ प्रतिशतले बढेर १ अर्ब ५७ करोड ३३ लाख ९२ हजार रुपैयाँ पुगेको छ ।
समिक्षा अवधिसम्ममा आइपुग्दा बैंकको प्रतिसेयर आम्दानी १ रुपैयाँ २७ पैसाले घटेर ११ रुपैयाँ ७३ पैसा कायम भएको छ ।
यस अवधिमा बैंकको प्रतिसेयर नेटवर्थ १४७ रुपैयाँ १७ पैसा भने वितरणयोग्य नाफा ६२. २७ प्रतिशतले बढेर २२ करोड ४४ लाख ४१ हजार रुपैयाँ पुगेको छ ।
वि.सं.२०७९ माघ ९ सोमवार १३:५९ मा प्रकाशित