काठमाडौं । शिखर इन्सुरेन्स र नेरुडे लघुवित्तको बोनस सेयर सुरक्षित गर्ने आज सोमबार माघ १६ गते अन्तिम दिन रहेको छ । कम्पनीहरुले भोली माघ १७ गते बुकक्लोज गर्ने भएसँगै आजसम्म कायम शेयरधनीहरुले मात्रै यी कम्पनीको लाभांश पाउनेछन् ।
शिखर इन्स्योरेन्स
शिखर इन्स्योरेन्सले सेयरधनीलाई १६ प्रतिशत बोनस सेयर र कर प्रयोजनका लागि ०.८४२१५ नगद गरी कुल १६.८४२१ प्रतिशत लाभांश वितरण गर्दैछ । कम्पनीले एकैसाथ दुई आर्थिक वर्षको साधारण सभा माघ २५ गते बोलाएको छ । यसले १७ औं र १८ औं वार्षिक साधारण सभा बोलाएको हो ।
सभा कम्पनीको केन्द्रीय कार्यालय शिखर बिज सेन्टर, थापाथली काठमाडौंमा बिहान ११ बजे सुरु हुनेछ ।
नेरुडे लघुवित्त
नेरुडे लघुवित्त वित्तीय संस्थाले गत आर्थिक वर्षको नाफाबाट २२ प्रतिशत बोनस सेयर र कर तिर्न १.१५७९ प्रतिशत नगद लाभांश गरी कुल २३.१५७९ प्रतिशत लाभांश वितरण प्रस्ताव पेश गर्नेछ । कम्पनीले माघ २८ गते वार्षिक साधारण सभा बोलाएको छ ।
सभा, उद्योग संगठन मोरङको सभाहल विराटनगर–२ मा बिहान ११ बजे सुरु हुनेछ ।
वि.सं.२०७९ माघ १६ सोमवार १०:०५ मा प्रकाशित