काठमाडौं । आज माघ १७ गते मंगलबार ३ वटा कम्पनीको लाभांश सुरक्षित गर्ने अन्तिम दिन रहेको छ । उक्त रिडी पावर कम्पनी, अरुण भ्याली हाइड्रो र तारागाउँ रिजेन्सी होटेलको लाभांश सुरक्षित गर्ने अन्तिम दिन हो ।
यी ३ कम्पनीले साधारणसभा प्रयोजनको लागि भोली माघ १८ गते बुक क्लोज गर्ने गरेकोले आज माघ १७ गतेसम्म कायम शेयरधनीले मात्र सभामा भाग लिन र प्रस्तावित लाभांश पाउन सक्ने छन् ।
रिडी पावर कम्पनीले आर्थिक वर्ष ०७९/८० को मुनाफाबाट ४० प्रतिशत बोनस शेयर र २.१० प्रतिशत नगद लाभांश बितरण गर्ने प्रस्ताव गरेको छ । कम्पनीले माघ २९ गते नयाँ बानेश्वर स्थित इन्द्रेणी कम्प्लेक्समा सभा आह्वान गरेको छ ।
अरुण भ्याली हाइड्रोपावर डेभलपमेन्ट कम्पनीले आर्थिक वर्ष ०७८/७९ को मुनाफा र सञ्चितीबाट हाल कायम रहेको चुक्ता पूँजीको ८ प्रतिशत बोनश र ०.४२१ प्रतिशत कर प्रयोजनको लागि नगद लाभांश दिने निर्णय गरेको छ । कम्पनीले माघ २७ गते शुक्रबार नयाँ बानेश्वर स्थित इन्द्रेणी कम्प्लेक्समा सभा बोलाएको छ ।
तारागाउँ रिजेन्सी होटल्स लिमिटेडले आर्थिक वर्ष ०७८/७९ को मुनाफाबाट हाल कायम चुक्ता पूँजी ८.४२ प्रतिशत लाभांश कर सहित वितरण गर्ने प्रस्ताव गरेको छ । कम्पनीले फागुन ३ गते नेपाल पर्यटन बोर्डमा सभा बोलाएको छ ।
वि.सं.२०७९ माघ १७ मंगलवार ०९:५८ मा प्रकाशित
