काठमाडौं । किसान लघुवित्त वित्तीय संस्था लिमिटेडले बोनस शेयर वितरणका लागि सम्बन्धित शेयरधनीहरुलाई कर तिर्न अनुरोध गरेको छ ।
कम्पनीले एक सूचना प्रकाशित गरी २०७७ भदौ १६ गतेबाट २०७९ जेठ १९ गतेसम्म सेयर खरिद गरी कायम भएका सेयरधनीलाई बोनस सेयरमा लाग्ने कर तिर्न भनेको हो ।
कम्पनीले आफ्नो शेयर रजिष्ट्रार सेञ्चुरी क्यापिटल मार्केट्समा सम्पर्क गरी कर वापतको रकम एकिन गरी शाइन रेसुङ्गा डेभलपमेन्ट बैंकमा रहेको सेञ्चुरी क्यापिटल मार्केट्स लि. को खाता न.०८७००१००५७६७६४०००००१ मा जम्मा गरी आफ्नो बोनस शेयर प्राप्त गर्न अनुरोध गरेको छ।
साथै, बोनस सेयरमा लाग्ने करको विवरण सेन्चुरी क्यापिटलको वेभसाइटबाट पनि प्राप्त गर्न सकिनेछ । कर जम्मा भएपछि मात्र सम्बन्धित सेयरधनीको डिम्याट खातामा बोनस जम्मा हुनेछ । किसान लघुवित्तले आर्थिक वर्ष ०७७/७८ को नाफाबाट २० प्रतिशत बोनस सेयर वितरण गरेको थियो ।
वि.सं.२०७९ माघ २० शुक्रवार १७:१५ मा प्रकाशित