धादिङ । धादिङ थाक्रेममा टिप्परसँग स्कुटर ठोक्किँदा एक किशोरको मृत्यु भएको छ ।
थाक्रे गाउँपालिका–६ मा टिप्परसँग स्कुटर ठोक्किँदा स्कुटर चालक थाक्रे गाउँपालिका–११ कि १५ वर्षीय संगम लामाको मृत्यु भएको प्रहरी चौकी महादेववेशीले जनाएको छ ।
टिप्परसँग स्कुटर ठोक्किएपछि गम्भीर घाइते लामाको साई बाबा अस्पतालमा उपचारको क्रममा मृत्यु भएको हो ।
काठमाडौँबाट गजुरी तर्फ जाँदै गरेको बागमती प्रदेश ०२–०२५ प ५१११ नम्बरको स्कुटर पार्किङमा राखेको बा ४ ख २६५४ नम्बरको टिप्परको पछाडि सोमबार मध्यराति ठोक्किएको प्रहरीले जनाएको छ ।
वि.सं.२०७९ माघ २४ मंगलवार ११:१६ मा प्रकाशित
