काठमाडौं । सनराइज क्यापिटलले सनराइज फोकस्ड इक्विटी फण्ड इकाइको बाँडफाँड गरेको छ । । क्यापिटलले माघ १० गतेदेखि बन्दमुखी योजनाको कूल १२ करोड इकाई मध्ये १० करोड २० लाख इकाई सर्वसाधारणहरुका लागि निष्काशन तथा बिक्री खुल्ला गरेको हो ।
इकाई खरिदका लागि निर्धारित समयावधिमा लगानी गर्ने संघ संस्था लगायत सर्वसाधारणका तर्फबाट रितपूर्वक प्राप्त भएको आवेदन (बीज पूँजी सहित) २९,९०३ वटा आवेदनहरुबाट १० करोड इकाई खरिदका लागि आवेदन प्राप्त हुन आएकोमा धितोपत्र निष्काशन तथा बाँडफाँड निर्देशिका २०७४ बमोजिम आज माघ २७ गतेका दिन बाँडफाँड गरी सन्राइज फोकस्ड इक्विटी फण्ड योजनाको आकार अक्षेरुपी एक अर्ब रुपैंया कायम गरिएको व्यहोरा जानकारी गराएको छ ।
बाँडफाँड सम्बन्धी विवरण धितोपत्र निष्काशन तथा बिक्री प्रबन्धकको वेबसाईट www. sunrisecapital.com.np तथा सिडिएस एण्ड क्लियरिङ्ग लिमिटेडद्वारा सञ्चालित www. meroshare.cdsc.com.np बाट हेर्न सकिनेछ ।
वि.सं.२०७९ माघ २७ शुक्रवार १६:२३ मा प्रकाशित
