काठमाडौं । लुम्बिनी विकास बैंक लिमिटेडले आफ्ना सेयरधनीहरुको खातामा नगद लाभांश वितरण गर्न सुरु गरेको छ ।
बैंकको गत पुस २६ गते सम्पन्न १९ औं साधारणसभाबाट पारित भएको ९ प्रतिशत नगद लाभांश बुकक्लोज हुनुभन्दा अघिल्लो दिनसम्म कायम रहेका सेयरधनीहरूको हितग्राही खातामा अद्यावधिक रहेको सम्बन्धित खातामा जम्मा गर्न सुरु गरेको हो ।
बैंकले हालसम्म पनि डिम्याट नगरेकालाई तत्काल सेयर डिम्याट गर्न समेत आग्रह गरेको छ ।
लगानीकर्ताले आफूले खाता खोलेको कुनै पनि बैंक तथा वित्तीय संस्था वा अन्य निक्षेप सदस्यमा गएर डिम्याट खाता खोल्न सक्नेछन् । त्यसपछि सम्बन्धित सेयरधनीको खातामा नगद लाभांश जम्मा हुनेछ ।
वि.सं.२०७९ माघ २७ शुक्रवार १८:१२ मा प्रकाशित