काठमाडौं । हिमालयन डिष्टिलरी लिमिटेडको चालु आर्थिक वर्षको दोस्रो त्रैमाससम्मको अपरिष्कृत वित्तीय विवरण अनुसार पुस मसान्तसम्ममा कम्पनीको खुद नाफा ३६.४१ प्रतिशतले घटेको छ ।
गत आर्थिक वर्षको सोही अवधिमा ४६ करोड २७ लाख रुपैयाँ खुद नाफा आर्जन गरेको कम्पनीले चालु आर्थिक वर्षमा भने २९ करोड ४२ लाख रुपैयाँ खुद नाफा कमाएको हो ।
समिक्षा अवधिमा कम्पनीको कुल नाफा २२.३६ प्रतिशतले घटेको छ भने बिक्री वितरण आम्दानीमा १८ प्रतिशतको गिरावट आएको छ ।
२ अर्ब ४२ करोड ९५ लाख रुपैयाँ चुक्ता पूँजी रहेको यस कम्पनीको जगेडा कोषमा ५५ करोड ७४ लाख रुपैयाँ सञ्चित छ।
यस अवधिमा कम्पनीको नाफासँगै प्रतिसेयर आम्दानी (ईपीएस) पनि ६० रुपैयाँ ९५ पैसाबाट घटेर २४ रुपैयाँ २२ पैसामा सिमित भएको छ । यो अधिमा कम्पनीको प्रतिसेयर नेटवर्थ १२२ रुपैयाँ ९४ पैसा रहेको छ भने मूल्य आम्दानी अनुपात ११२.४१ गुणा रहेको छ ।
वि.सं.२०७९ माघ २९ आइतवार १२:३७ मा प्रकाशित