काठमाडौं । साताको पहिलो कारोबार दिन सेयर बजारमा भारी गिरावट आएको छ । उक्त दिन सेयर बजार ६०.८८ अंकले घटेको हो ।
उक्त दिन नेप्से परिसुचक २१२१.७५ अंकको बिन्दुमा पुगेर बन्द भएको छ । आज सेयर बजार घट्दा कारोबार रकम बढेको छ । उक्त दिन ३ अर्ब ४ करोड ७७ लाख ३९ हजार रुपैंया बराबरको कारोबार भएको छ ।
आज नेप्सेमा सूचिकृत २५३ कम्पनीको ८१ लाख ३९ हजार ८४० कित्ता सेयर किनबेच भएको छ । आज नेप्सेमा रहेको सबै उपसूचकमा राताम्मै भएको छ ।
शुक्रबार राष्ट्र बैंकको अर्धवार्षिक समिक्षा आए सँगै सेयर बजार बढ्ने आँकलन लगानीकर्ताहरुको थियो ।
सेयर बजारमा गिरावट आउँदा ङादी ग्रुप पावरको सेयर मूल्य उच्च दरमा घटेको छ । कम्पनीको सेयर मूल्य ६.६० प्रतिशतले घटेको छ ।
त्यस्तै, हिमालयन पावर पार्टनरको ६.४४ प्रतिशत, खानीलोला हाइड्रोपावरको ६.२५ प्रतिशत, ग्रीनलाइफ हाइड्रोपावरको ६.१९ प्रतिशतले सेयर मूल्य घटेको छ ।
वि.सं.२०७९ माघ २९ आइतवार १५:०७ मा प्रकाशित
