काठमाडौं । मन्त्रिपरिषद्को बैठकबाटै निर्णय गरेर सरकारले सार्वजनिक विदा दिए पनि बैंकहरु खुल्ले रहनेछन् । नेपाल राष्ट्र बैंकले फागुन १ गते सोमबार अत्यावश्यक बैंकिङ सेवा सुचारु राख्न निर्देशन दिएको छ।
बैंक तथा वित्तीय संस्थाहरुलाई नगद कारोबार, चेक क्लियरिङ, आरटीजीएस लगायत अत्यावश्यक बैंकिङ सेवा सुचारु राख्न राष्ट बैंकले निर्देशन दिएको हो ।
फागुन १ गते जनयुद्ध दिवसको अवसरमा सरकारले सार्वजनिक विदा दिएको छ। सरकारले विदा दिए पनि नगद कारोबार, चेक क्लियरिङ, आरटीजीएस लगायत अत्यावश्यक बैंकिङ सेवा प्रदान गर्न विहान १०ः०० देखि अपराह्न १ः३० बजेसम्म बैंक तथा वित्तीय संस्थाका आवश्यक विभाग तथा कार्यालय खुला राखी सेवा सुचारु गर्ने व्यवस्थाका मिलाउन राष्ट्र बैंकले निर्देशन दिएको हो ।
वि.सं.२०७९ माघ २९ आइतवार २१:१२ मा प्रकाशित
