काठमाडौं । केही दिन यता सेयर बजारमा निरन्तर गिरावट आइरहेको छ । बिहीबार पनि सेयर बजारमा गिरावट आएको हो । उक्त दिन सेयर बजार २१.१५ अंकले घटेको हो ।
उक्त दिन नेप्से परिसुचक २०७०.७१ अंकको बिन्दुमा पुगेर बन्द भएको छ । आज सेयर बजार घट्दा कारोबार रकम पनि घटेको छ । उक्त दिन १ अर्ब ६८ करोड ४९ लाख ४२ हजार रुपैंया बराबरको कारोबार भएको छ ।
आज नेप्सेमा सूचिकृत २५६ कम्पनीको ४७ लाख ४७ हजार ५६७ कित्ता सेयर किनबेच भएको छ । आज नेप्सेमा रहेको सबै उपसूचकमा राताम्मै भएको छ ।
सेयर बजारमा गिरावट आउँदा यूनिलिभर नेपालको सेयर मूल्य उच्च दरमा घटेको छ । कम्पनीको सेयर मूल्य ५.९१ प्रतिशतले घटेको छ ।
त्यस्तै, सिटिजन म्युचुअल फण्डको ५.७८ प्रतिशत, सपोर्ट माइक्रोफाइनान्सको ५.५१ प्रतिशतले सेयर मूल्य घटेको छ ।
वि.सं.२०७९ फागुन ४ बिहीवार १५:०६ मा प्रकाशित
