काठमाडौं । नेपाल स्टक एक्सचेञ्ज (नेप्से)ले तीन कम्पनीको सेयरमूल्य समायोजन गरेको छ । स्वाबलम्बन लघुवित्त, कर्पोरेट डेभलपमेन्ट बैंक र ङादी ग्रुपको सेयरमूल्य समायोजन गरेको हो ।
स्वाबलम्बन लघुवित्तको १५ प्रतिशत बोनस सेयरको समायोजनपछि सेयरमूल्य ९८२ रुपैयाँ ६१ पैसा तोकेको छ । कम्पनीको आइतवार कायम अन्तिम सेयरमूल्य १ हजार १३० रुपैयाँको आधारमा सेयरमूल्य समायोजन भएको हो ।
कर्पोरेट डेभलपमेन्ट बैंकको ५ प्रतिशत बोनस शेयर पछि प्रतिइकाई ३१० रुपैयाँ ४८ पैसा कायम भएको छ । नेप्सेले आइतबारको अन्तिम कारोबार मूल्य ३२६ रुपैयाँका आधारमा मूल्य समायोजन गरेको छ ।
त्यसैगरी, ङादी ग्रुप पावरको ४.७५ प्रतिशत बोनस शेयर पछि प्रतिइकाई २६३ रुपैयाँ ४८ पैसा कायम भएको छ । नेप्सेले आइतबारको अन्तिम कारोबार मूल्य २७६ रुपैयाँका आधारमा मूल्य समायोजन गरेको छ । सोही मूल्यकै आधारमा दोस्रो दिन यी तीन वटै कम्पनीको सेयर कारोबार खुल्नेछ ।
वि.सं.२०७९ फागुन ८ सोमवार १६:०३ मा प्रकाशित