काठमाडौं । नेपाल इन्भेष्टमेन्ट मेगा बैंकको सेयर नेपाल स्टक एक्स्चेञ्ज(नेप्से) मा सूचिकृत भएको छ ।
साविकको मेगा बैंक र नेपाल इन्भेष्टमेन्ट बैंक एक आपसमा गाभ्ने/गाभिने गर्दा १ः०.९० को अनुपातमा कायम हुन आएको प्रति सेयर अंकित तथा चुक्ता मूल्य १०० रुपैंयाका दरको ३४ करोड १२ लाख ८५ हजार ९४९ कित्ता शेयर सूचिकृत भएको हो ।
धितोपत्र सूचिकरण विनियमावली २०७५ बमोजिम नेप्सेमा कारोबार हुने गरी संलग्न सम्झौता, शर्तहरु पालना गर्नेगरी फागुन १० गतेको निर्णायनुसार नेपाल इन्भेष्टमेन्ट बैकको नामबाट कारोबार हुनेगरी कम्पनीको रोक्का रहेको सेयर कारोबार फुकुवा गरिएको नेप्सेले जानकारी दिएको छ । साथै मेगा बैंकको सूचिकरण खारेज गर्ने जनाएको छ ।
साथै, नेपाल इन्भेष्टमेन्ट बैंकको स्टक सिम्बोल ‘एनआइएमबि’ रहने र नेप्सेले पहिलो कारोबारका लागि ओपनिङ रेञ्ज २३६ रुपैंया ८५ पैसा तोकेको छ ।
वि.सं.२०७९ फागुन १० बुधवार १३:४० मा प्रकाशित