काठमाडौं । काठमाडौं उपत्यकामा प्रतिघण्टा ५० किलोमिटर भन्दा बढीको स्पीडमा गाडी गुडाउन नपाइने व्यवस्था लागू भएको छ ।
उपत्यका ट्राफिक प्रहरी कार्यालयले सवारी तथा यातायात व्यवस्था ऐन २०४९ र नियमावली २०५४ मा उल्लेखित गति नियन्त्रण सम्बन्धी व्यवस्था र सडकको भौतिक अवस्था समेतलाई मध्यनजर राखी सवारी दुर्घटना न्यूनीकरण तथा रोकथामका लागि यस्तो व्यवस्था लागू गरेको जनाएको छ ।
जसअन्तर्गत कलंकी–कोटेश्वर सडक खण्डको फास्ट ट्रयाकमा ५० किलोमिटर र सर्भिस ट्रयाकमा २० किलोमिटर गति तोकिएको उपत्यका ट्राफिक प्रहरी कार्यालयले जनाएको छ ।
यस्तै कोटेश्वर–भक्तपुर सडक खण्डमा पनि प्रति घन्टा ५० किलोमिटर गति तोकिएको छ । तोकिएको गतिभन्दा बढीमा सवारी चलाउनेलाई ट्राफिक प्रहरीले जरिवाना गर्दै आएको छ ।
वि.सं.२०७९ फागुन ११ बिहीवार १७:५४ मा प्रकाशित