काठमाडौं । बोटलर्स नेपाल लिमिटेड (तराई)ले आफ्ना सेयरधनीहरूको बैंक खातामा नगद लाभांश वितरण गरेको छ ।
कम्पनीले डिम्याट खातामा बैंक खाता अद्यावधिक गराएका सेयरधनीलाई माघ २३ गते देखिनै नगद लाभांश जम्मा गर्न सुरु गरेको जनाएको छ।
कम्पनीको पुस २७ गते बसेको साधारण सभाले लाभांश प्रस्ताव पारित गरेको थियो । बोटलर्स नेपाल (तराई) ले गत आर्थिक वर्षको नाफाबाट सेयरधनीलाई ६० प्रतिशत नगद लाभांश (कर सहित) वितरण गरेको हो ।
कम्पनीले नगद लाभांश खातामा नआएका सेयरधनीलाई डिम्याट खातामा बैंक खाता अद्यावधिक गर्न अनुरोध गरेको छ । त्यसपछि मात्र लाभांश पाइनेछ ।
वि.सं.२०७९ फागुन १२ शुक्रवार १२:०६ मा प्रकाशित