काठमाडौं । नेपाल स्टक एक्सचेञ्ज (नेप्से) मा बैंक अफ काठमाण्डूको ऋणपत्र सूचिकृत भएको छ ।
साविकको बैंक अफ काठमाण्डू हालको ग्लोबल आइएमई बैंकको ११ लाख कित्ता ऋणपत्र नेप्सेमा सूचिकृत भएको हो । ऋणपत्र स्टक सिम्बोल बीओकेडी ८६ क रहेको छ ।
बैंकले ७ वर्ष अवधिको १०.५० प्रतिशत व्याजदर भएको ‘बिओके डिबेञ्चर २०८६’ नाममा प्रतिकित्ता १००० रूपैयाँ अंकित दरमा ११ लाख कित्ता ऋणपत्र निष्काशन गरेको थियो ।
फागुन १३ गते (आज) बैंक र नेप्सेबीच ऋणपत्र सूचीकरण सम्झौता भएको छ । कम्पनीको सेयर सम्झौता भएको दोस्रो दिन अर्थात भोलीबाट ऋणपत्र दोस्रो बजारमा कारोबार हुनेछ ।
वि.सं.२०७९ फागुन १४ आइतवार १२:५४ मा प्रकाशित