काठमाडौं । मोलुङ हाइड्रोपावर कम्पनीको आइपीओ भोली शुक्रबार (फागुन १९ गते) बाँडफाँड गर्ने भएको छ ।
बिक्री प्रबन्धक सनराइज क्यापिटलका अनुसार शुक्रबार बिहान १० बजे आइपीओ बाँडफाँड गर्ने तयारी गरिएको हो ।गोलाप्रथाबाट आइपीओ बाँडफाँड हुनेछ ।
मोलुङको आइपीओ हात पार्न भाग्यकै भरपर्नु पर्नेछ । यसमा मागभन्दा ७.३२ गुणा बढी आवेदन परेको छ ।
यसमा १४ लाख ८७ हजार ५८४ जनाले कुल १ करोड ६५ लाख ९० हजार १७० कित्ताको लागि आवेदन दिएका छन् । जसमा २ लाख २६ हजार ४६५ जनाले मात्र सेयर हात पार्नेछन् । बाँकी १२ लाख ६१ हजार ११८ जनाको भने हात खाली हुनेछ ।
कम्पनीले फागुन ४ गतेबाट सार्वजनिक निष्काशनका लागि आफ्नो जारी पूँजीको ३४ प्रतिशतले हुने आउने २७ करोड २८ लाख ५० हजार रुपैयाँ बराबरको २७ लाख २८ हजार ५०० कित्ता शेयर छुट्याएको थियो। सोमध्ये १० प्रतिशत अर्थात २ लाख ७२ हजार ८५० कित्ता शेयर वैदेशिक रोजगारीमा रहेका नेपालीहरु र ५ प्रतिशत अर्थात १ लाख ३६ हजार ४२५ कित्ता शेयर सामूहिक लगानी कोषहरुमा बाँडफाँड गरिसकेको छ भने २ प्रतिशत अर्थात ५४ हजार ५७० कित्ता शेयर कम्पनीमा कार्यरत कर्मचारीहरुका लागि छुट्याइएको छ। सर्वसाधारणले बाँकी रहेको २२ लाख ६४ हजार ६५५ कित्ता शेयरका लागि आवेदन दिन व्यवस्था रहेको थियो ।
वि.सं.२०७९ फागुन १८ बिहीवार १४:५१ मा प्रकाशित