काठमाडौं । मर्जर प्रकृयामा रहेका सगरमाथा इन्स्यारेन्स कम्पनी र लुम्बिनी जनरल इन्स्योरेन्स कम्पनीको एकीकृत कारोबार फागुन २९ गतेदेखि गर्ने निर्णय गरेको छ ।
संयुक्त मर्जर कमिटिले दुई कम्पनी एकीकृत कारोबार फागुन २९ गतेबाट गर्ने निर्णय गरेको हो । लुम्बिनी जनरल इन्स्योरेन्स कम्पनीका अनुसार एकीकृत कारोबारको लागि सबै तयारी अन्तिम चरणमा पुगिसकेको छ । अन्तिम सम्झौता स्वीकृत भई बीमा प्राधिकरण, सेबोन र कम्पनी रजिष्ट्रारको कार्यालयबाट अनुमति पाइसकेको छ ।
मर्जपछि बन्ने नयाँ कम्पनीको नाम भने सगरमाथा लुम्बिनी इन्स्योरेन्स रहने सहमति भएको छ । मर्जर सम्वन्धी विशेष प्रस्ताव दुवै कम्पनीको आगामी साधारण सभामा लगिने बताइएको छ । दुवै कम्पनीको सेयर आदान प्रदान अनुपात स्वाप रेसियो भने १००ः८० कायम हुनेछ ।
दुबै कम्पनीको आ।व ०७८र०७९ को वित्तिय अनुसार प्रस्तावित बोनस सेयर वितरण पश्चात स्वाप रेसियो गणना गरी मर्जर पश्चात कायम हुने कम्पनीको चुक्ता पुँजी २ अर्ब ६२ करोड २६ लाख ३८ हजार १९५ रुपैंया कायम रहनेछ ।
संचालक समितिको संचालकमा दुवै कम्पनीको तर्फबाट ३/३ जना र एक जना स्वतन्त्र संचालकको रुपमा रहनेछ ।
नयाँ कम्पनीको संचालक समितिको अध्यक्षमा लुम्बिनी इन्स्योरेन्सको तर्फबाट बन्ने सहमति भएको छ । कम्पनीको प्रमुख कार्यकारी अधिकृत सगरमाथा इन्स्योरेन्सको तर्फबाट चंकी क्षेत्री बन्नेछन् ।
वि.सं.२०७९ फागुन २६ शुक्रवार १०:०३ मा प्रकाशित