काठमाडौं । प्रभु बैंक लिमिटेडको बोनस शेयर सम्बन्धीत शेयरधनीहरुको खातामा जम्मा गरेको छ ।बैंकको पुस १४ गते सम्पन्न साधारण सभाले गत वर्षको नाफाबाट ६.५ प्रतिशत बोनस शेयर र १.५ प्रतिशत नगद लाभांश दिने प्रस्ताव पारित गरेको थियो ।
सोही ६.५ प्रतिशत बोनस शेयर नेप्सेमा सूचीकृत भई शेयरधनीहरुको डिम्याट खातामा पठाउन सुरु गरेको हो ।
बैंकले मंसिर २९ गतेसम्म कायम शेयरधनीहरुको हितग्राही खाता खोली आफ्नो भौतिक शेयर अभौतिकीकरण गराएका शेयरधनीहरुको खातामा जम्मा गरिदिएको हो ।
साथै हितग्राही खातामा बैंक खाता अद्यावधिक गराएका सम्बन्धीत बैंकको शेयरधनीहरुको खातामा बैंकले सो लाभांश पठाएको हो । मंसिर २९ गतेपछि शेयर अभौतिकीकरण तथा बैंक खाता अद्यावधिक गराएका शेयरधनीहरुले क्रमशः उक्त लाभांश पाउनेछन् ।
वि.सं.२०७९ फागुन २९ सोमवार १०:५५ मा प्रकाशित
