काठमाडौं । साताको दोस्रो कारोबार दिन सेयर बजारमा दोहोरो अंकको गिरावट आएको छ । उक्त दिन बजार २४.६८ अंकले घटेको हो ।
आज नेप्से परिसुचक १९५१.२१ अंकको बिन्दुमा पुगेर बन्द भएको छ । आज सेयर बजार घट्दा १ अर्ब १६ करोड २५ लाख ३ हजार रुपैंया बराबरको कारोबार भएको छ ।
आज नेप्सेमा सूचिकृत २५६ कम्पनीको ३३ लाख ६९ हजार १३६ कित्ता सेयर किनबेच भएको छ । आज नेप्सेमा रहेको सबै उपसूचकमा राताम्मै भएको छ ।
सेयर बजारमा गिरावट आउँदा आज खप्तड लघुवित्तको सेयर उच्च दरमा घटेको छ । कम्पनीको सेयर मूल्य ७.६२ प्रतिशतले घटेको हो । त्यसैगरी आदर्श लघुवित्तको ५.४१ प्रतिशत हिमालयन बैंकको ५.२८ प्रतिशत, नाडेप लघुवित्तको ५.२५ प्रतिशतले सेयर मूल्य घटेको छ ।
वि.सं.२०७९ फागुन २९ सोमवार १५:१९ मा प्रकाशित
