काठमाडौं । साताको अन्तिम कारोबार दिन सेयर बजारमा गिरावट आएको छ । उक्त दिन बजार ५.३२ अंकले घटेको हो ।
आज नेप्से परिसुचक १९३३.३१ अंकको बिन्दुमा पुगेर बन्द भएको छ । आज सेयर बजार घट्दा १ अर्ब १४ करोड १४ लाख ५५ हजार रुपैंया बराबरको कारोबार भएको छ ।
आज नेप्सेमा सूचिकृत २५८ कम्पनीको ३४ लाख २ हजार २६७ कित्ता सेयर किनबेच भएको छ । आज नेप्सेमा रहेको ४ वटा उपसूचकमा हरियाली छाएको छ ।
सेयर बजारमा गिरावट आउँदा आज लक्ष्मी लघुवित्तको सेयर उच्च दरमा घटेको छ । कम्पनीको सेयर मूल्य ५.७६ प्रतिशतले घटेको हो । त्यसैगरी नयाँ सारथी लघुवित्तको ४.८० प्रतिशत, प्रभु लाइफ इन्स्योरेन्सको ४.७४ प्रतिशत, ग्रिन डेभलपमेन्ट बैंकको ४.६८ प्रतिशतले सेयर मूल्य घटेको छ ।
वि.सं.२०७९ चैत २ बिहीवार १५:३१ मा प्रकाशित