काठमाडौं । सनराइज बैंकका दुई जना संस्थापक सेयर बिक्री गर्ने भएको छ । बैंकका सेयरधनीले आफ्नो स्वामित्वमा रहेको ३ लाख ९ हजार ९९१ कित्ता सेयर बिक्री गर्ने भएका हुन् ।
संस्थापक रामकृष्ण मानन्धरले आफ्नो नाममा रहेको २ लाख ६३ हजार ४९६ कित्ता सेयर बिक्री गर्न लागेका हुन् । यस्तै, संस्थापक मैयादेवी श्रेष्ठले आफ्नो नाममा रहेको ४६ हजार ४९५ कित्ता सेयर बिक्री गर्न लागेकी हुन् ।
यसमा, सनराइजकै संस्थापक सेयरधनीले न्यूतम १२८ रुपैयाँलाई आधार मानेर आवेदन दिन सक्नेछन् ।
सेयर खरिद गर्न इच्छुक संस्थापकले अब ३५ दिनभित्र सनराइजको प्रधान कार्यालय गैह्रिधाराको सेयर रजिष्ट्रार विभागमा निवेदन दिनुपर्नेछ । यस अवधिमा कुनै पनि संस्थापकबाट आवेदन नपरेमा भने सर्वसाधारण लगानीकर्तालाई बिक्री खुला गरिने बैंकले जनाएको छ ।
वि.सं.२०७९ चैत ३ शुक्रवार ११:५७ मा प्रकाशित
