काठमाडौं । वाणिज्य बैंकहरुले चालु आर्थिक वर्षको ७ महिना अर्थात माघसम्म्मा ४१ अर्ब रुपैयाँभन्दा धेरै नाफा कमाएका छन्।
नेपाल राष्ट्र बैंकले सार्वजनिक गरेको तथ्यांकअनुसार सञ्चालनमा रहेका २२ वाणिज्य बैंकहरुले चालु आर्थिक वर्षको ७ महिनामा उक्त नाफा कमाएका हुन् । माघसम्ममा सञ्चालनमा रहेका २२ वाणिज्य बैंकहरुले कुल ४१ अर्ब २ करोड ८७ लाख रुपैयाँ नाफा कमाएका छन्।
माघ एक महिनामा मात्रै बैंकहरुले ७ अर्ब २७ करोड ६७ लाख रुपैयाँ नाफा कमाएका छन्। गत आर्थिक वर्षको माघसम्ममा बैंकहरुको खुद नाफा ४० अर्ब २४ करोड रुपैयाँ रहेको थियो । गत वर्षको तुलनामा बैंकहरुको खुद नाफा १ अर्ब २२ करोड रुपैयाँले मात्रै बढेको छ ।
चालु आर्थिक वर्षको माघसम्ममा नविल बैंकले ४ अर्ब १३ करोड रुपैयाँ नाफा कमाएको छ जुन वाणिज्य बैंकहरुमध्ये सबैभन्दा धेरै हो। एनआइसी एसिया बैंकको नाफा ३ अर्ब ६७ करोड रुपैयाँ छ । त्यस्तै, ग्लोबल आइएमई बैंकको ३ अर्ब ५५ करोड र राष्ट्रिय वाणिज्य बैंकको ३ अर्ब ६ करोड रुपैंया रहेको छ ।
त्यसैगरी नेपाल इन्भेष्टमेन्ट मेगा बैंकले २ अर्ब ७० करोड, एनएमबि बैंकले २ अर्ब २३ करोड र स्टान्डर्ड चार्टड बैंकले २ अर्ब २ करोड नाफा कमाएको छ ।
प्राइम कमर्सियल बैंकले १ अर्ब ९९ करोड, एभरेष्ट बैंकले १ अर्ब ८८ करोड, नेपाल बैंकले १ अर्ब ७० करोड, प्रभु बैंक १ अर्ब ६६ करोड, सानिमा बैंकले १ अर्ब ५३ करोड, कुमारी बैंकले १ अर्ब ५० करोड, सिद्धार्थ बैंकको १ अर्ब ४५ करोड, नेपाल एसबिआई बैंकले १ अर्ब ३८ करोड, हिमालयन बैंकले १ अर्ब २९ करोड, लक्ष्मी बैंकले १ अर्ब २८ करोड, माछापुच्छ्रे बैंकले १ अर्ब १७ करोड, सिटिजन बैंकले १ अर्ब २ करोड रुपैंया कमाएका छन् ।
त्यसैगरी सनराइज बैंकले ८ ककरोड ६० लाख, सिभिल बैंकले ७ करोड ७७ लाख र कृषि विकास बैंकले १ करोड कमाएका छन् ।
वि.सं.२०७९ चैत ५ आइतवार १७:५१ मा प्रकाशित
