काठमाडौं । साताको दोस्रो कारोबार दिन सेयर बजारमा सुधार आएको छ । उक्त दिन बजार २२.६५ अंकले बढेको हो ।
आज नेप्से परिसुचक १९४९.०६ अंकको बिन्दुमा पुगेर बन्द भएको छ । आज सेयर बजार बढ्दा १ अर्ब २९ करोड ८५ लाख ८३ हजार रुपैंया बराबरको कारोबार भएको छ ।
आज नेप्सेमा सूचिकृत २५८ कम्पनीको ५२ लाख ५५ हजार ०८६ कित्ता सेयर किनबेच भएको छ । आज नेप्सेमा रहेको सबै उपसूचकमा हरियाली छाएको छ ।
सेयर बजारमा सुधार आउँदा आज सपोर्ट माइक्रोफाइनान्स लघुवित्तको सेयर उच्च दरमा घटेको छ । कम्पनीको सेयर मूल्य ५.३६ प्रतिशतले घटेको हो । त्यसैगरी स्वाभिमान लघुवित्तको ४.७२ प्रतिशत, सानिमा ग्रोथ फण्डको ४.४५ प्रतिशत, विन नेपाल लघुवित्तको ४.०८ प्रतिशतले सेयर मूल्य घटेको छ ।
वि.सं.२०७९ चैत ६ सोमवार १५:२० मा प्रकाशित