काठमाडौं । नेपाल राष्ट्र बैंकले घोडेजात्राको सार्वजनिक विदामा पनि अत्यावश्यक बैंकिङ सेवा सूचारु राख्न निर्देशन दिएको छ ।
राष्ट्र बैंकको बैंक तथा वित्तीय संस्था नियमन विभागले चैत्र ७ गते मंगलबार अत्यावश्यक बैंकिङ सेवा सूचारु राख्न बैंक तथा वित्तीय संस्थाहरुलाई निर्देशन दिएको हो ।
राष्ट्र बैंकले भोली चैत ७ गते घोडेजात्राको दिन काठमाडौं उपत्यकामा सार्वजनिक विदा रहेतापनि उपत्यका बाहिरका कार्यालयमा हुने नगद कारोबार, Electronic Cheque Clearing (ECC), RTGS लगायतका अत्यावश्यक बैंकिङ सेवा सूचारु राख्न इजाजतपत्रप्राप्त बैंक तथा वित्तीय संस्थाका सम्बन्धित विभाग तथा कार्यालय खुला राखी आवश्यक व्यवस्था जारी राख्न निर्देशन दिएको छ ।
वि.सं.२०७९ चैत ६ सोमवार १९:३७ मा प्रकाशित
