काठमाडौं । आज चैत ८ गते बुधबार, युनाइटेड मोदी हाइड्रोपावर लिमिटेडको लाभांश सुरक्षित गर्ने अन्तिम दिन रहेको छ। साधारण सभा तथा लाभांश वितरण प्रयोजनार्थ कम्पनीले भोली चैत ९ गते बुकक्लोज गर्ने भएको छ ।
त्यसैले, आजसम्म नेप्सेमा कारोबार भइ कायम शेयरधनीहरुले कम्पनीको साधारण सभामा सहभागिता जनाउन तथा कम्पनीले वितरण गर्ने लाभांश प्राप्त गर्न सक्नेछन्।
कम्पनीले गत वर्षको नाफाबाट चुक्ता पूँजीको ७ प्रतिशतका दरले बोनस शेयर र सोको कर प्रयोजनार्थ ०.३६८ प्रतिशत नगद लाभांश गरी जम्मा ७.३६८ प्रतिशत लाभांश वितरण गर्दैछ ।
सोही लाभांश पारित गर्न कम्पनीले चैत २३ गते बिहीबार, आफ्नो रजिष्टार्ड कार्यालय, हेरिटेज प्लाजा, कमलादीमा सभा बोलाएको छ। सो सभा बिहान ११ बजे भर्चुअल माध्यम जुममार्फत सञ्चालन गरिनेछ।
वि.सं.२०७९ चैत ८ बुधवार ०७:१६ मा प्रकाशित