काठमाडौं । साताको अन्तिम कारोबार दिन नबील बैंक र एनआइसी एशिया बैंकको सेयरमा गिरावट आएको छ ।
उक्त दिन नबील बैंकको सेयर मूल्य १.३१ प्रतिशत अर्थात प्रतिकित्ता ८ रुपैंयाले घटेको हो । योसंगै बैंकको सेयर मूल्य ६०५ रुपैंया कायम भएको छ ।
आज बैंकको ३ करोड ८४ लाख ६९ हजार रुपैयाँ बराबरको सेयर कारोबार भएको छ । कम्पनीको आज ६३ हजार ५१४ कित्ता सेयर खरिदबिक्री भएको हो ।
यस्तै, आज एनआइसी एशिया बैंकको सेयर मूल्य पनि ५.१२ प्रतिशत अर्थात प्रतिकित्ता ३७ रुपैंयाले घटेर ६८६ रुपैंया कायम भएको छ । आज बैंकको २१ करोड ७४ लाख ६४ हजार रुपैयाँ बराबरको ३ लाख १४ हजार ५२४ कित्ता सेयर खरिदबिक्री भएको हो ।
वि.सं.२०७९ चैत ९ बिहीवार १५:२७ मा प्रकाशित