काठमाडौं । साताको अन्तिम कारोबार दिन सेयर बजारमा गिरावट छ । उक्त दिन बजार १०.५७ अंकले घटेको हो ।
आज नेप्से परिसुचक १९०८.५५ अंकको बिन्दुमा पुगेर बन्द भएको छ । आज सेयर बजार घट्दा ८९ करोड ९५ लाख ३२ हजार रुपैंया बराबरको कारोबार भएको छ ।
आज नेप्सेमा सूचिकृत २५४ कम्पनीको २७ लाख ५४ हजार ६५५ कित्ता सेयर किनबेच भएको छ । आज नेप्सेमा रहेको ११ वटा उपसूचकमा राताम्मै भएको छ ।
उक्त दिन सबैभन्दा बढी शिभम् सिमेन्ट्सको कारोबार भएको छ । आज कम्पनीको ५ करोड ५८ हजार रुपैया बराबरको कारोबार भएको छ ।
कारोबार रकमको आधारमा दोस्रो स्थानमा रहेको हिमालयन डिस्टीलरीको ३ करोड १२ लाख ३६ हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन जीवन विकास लघुवित्तको २ करोड १४ लाख १२ हजार रुपैयाँ, एनआइसी एशिया बैंकको २ करोड १३ लाख ५७ हजार रुपैयाँ र नबील बैंकको २ करोड ४ लाख ५३ हजार रुपैयाँको कारोबार भएको हो ।
वि.सं.२०७९ चैत १६ बिहीवार १५:१० मा प्रकाशित