काठमाडौं ।साताको पहिलो कारोबार दिन सेयर बजारमा दोहोरो अंकको गिरावट आएको छ । उक्त दिन बजार २३.२४ अंकले घटेको हो ।
आज नेप्से परिसुचक १८८५.३१ अंकको बिन्दुमा पुगेर बन्द भएको छ । आज सेयर बजार घट्दा १ अर्ब १६ करोड २६ लाख ५९ हजार रुपैंया बराबरको कारोबार भएको छ ।
आज नेप्सेमा सूचिकृत २६० कम्पनीको ३६ लाख ४९ हजार १९६ कित्ता सेयर किनबेच भएको छ । आज नेप्सेमा रहेको १३ वटै उपसूचकमा राताम्मै भएको छ ।
सेयर बजारमा गिरावट आउँदा आज स्वाभिमान लघुवित्तको सेयर मूल्य उच्च दरमा घटेको छ । कम्पनीको सेयर मूल्य ९.६१ प्रतिशतले घटेको हो । त्यसैगरी, प्रभु बैंक डिबेञ्चरको ९.६० प्रतिशत, कालिका लघुवित्तको ७.४९ प्रतिशत, विजय लघुवित्तको ६.६९ प्रतिशतले सेयर मूल्य घटेको छ ।
वि.सं.२०७९ चैत १९ आइतवार १५:२० मा प्रकाशित
