काठमाडौं । साधना लघुवित्त वित्तिय संस्थाले बोनस सेयर वितरण गरेको छ ।
लघुवित्तको २०७९ पुस ३० गते सम्पन्न भएको छैंठौ वार्षिक साधारण सभाबाट पारित भएको गत आर्थिक वर्षको नाफाबाट प्रस्ताव गरिएको करसहित १९ प्रतिशत बोनस सेयर सेयरधनीहरूको बैंक खातामा पठाइएको हो ।
लघुवित्तले हितग्राही खातामा बैंक खाता अद्यावधिक गराएका सेयरधनीहरुको सम्बन्धित बैंक खातामा २०७९ चैत १४ गतेदेखि लाभांश जम्मा गरिएको कम्पनीले जनाएको छ ।
त्यसैगरी, बैंकले हालसम्म पनि आफ्नो सेयर प्रमाणपत्रहरु अभौतिकीकरण नगराउने शेयरधनीहरुलाई यथाशीघ्र आफ्नो सेयर प्रमाणपत्र अभौतिकीकरण गराई हितग्राही खातामा आफ्नो बैंक खाता अद्यावधिक गराएर बोनस सेयर लिन अनुरोध गरेको छ ।
वि.सं.२०७९ चैत ३० बिहीवार ०९:२७ मा प्रकाशित
