काठमाडौं । ग्लोबल आइएमई बैंक लिमिटेडले आफ्ना खातावाला गहकहरुलाई सूचना प्रकाशित गरेको छ ।
सूचनामा बैंकले स्वदेशी मुद्रामा एकै प्रकृतिको एक भन्दा बढी खाता खोली वा एउटै प्रकारको एक भन्दा बढी कार्ड (डेबिट/क्रेडिट) प्राप्त गरी कारोबार गरिरहेका ग्राहकहरुलाई जेठ १५ भित्र पायक पर्ने नजिकको शाखा कार्यालयमा गई एक भन्दा बढी कायम रहेको कार्ड तथा खाता बन्द गर्न अनुरोध गरेको छ।
सो समयपश्चात त्यस्ता खाताहरु मध्ये एक मात्र खाता कायम गरी बाँकी रहेको अन्य खाताहरु बैंकको निर्णयअनुसार बन्द गरिने वा रोक्का गरिने बैंकले जनाएको छ ।
साथै १ वर्षदेखि शून्य मौज्दात रही कारोबार नभएका खाताहरु बैंक आफैंले बन्द गर्न सक्ने हुँदा त्यस्तो खाता रहेका ग्राहकहरुले पायक पर्ने नजिकको शाखा कार्यालयमा गई खाताको विवरण अद्यावधिक गरी खाता संचालन गर्न बैंकले अनुरोध गरेको छ ।
वि.सं.२०८० वैशाख १२ मंगलवार १३:२३ मा प्रकाशित
