काठमाडौं । लक्ष्मी लघुवित्त वित्तीय संस्थाको प्रमुख कार्यकारी अधिकृत (सीईओ)मा सुन्दर प्रसाद श्रेष्ठ नियुक्त भएका छन् । लघुवित्तको सीईओ प्रकाशराज शर्माको कार्यकाल सकिएपछि सञ्चालक समितिको बैठकले सुन्दर प्रसाद श्रेष्ठलाई सीईओमा नियुक्त गरेको हो ।
सीईओ शर्माको कार्यकाल बैशाख १७ गते सकिने भएपछि कम्पनीको संचालक समितिको बैशाख १२ गते बसेको बैठकले श्रेष्ठलाई बैशाख १८ गतेदेखि लघुवित्तको सीईओको कार्यभार सम्हाल्ने गरी नियुक्त गरेको हो । श्रेष्ठलाई आगामी ४ वर्षको लागि लघुवित्तको सीईओमा नियुक्त गरेको बताइएको छ ।
लक्ष्मी लघुवित्तमा विगत १० वर्षदेखि कार्यरत श्रेष्ठ हाल नायव महाप्रबन्धक छन् । लघुवित्त क्षेत्रमा २० वर्षको अनभुव सँगालेका श्रेष्ठले निर्धन उत्थान लघुवित्तबाट आफ्नो करियर सुरु गरेका हुन् । उनीसँग विकास बैंकमा काम गरेको पनि अनभुव छ ।
लघुवित्त क्षेत्रमा साढे ३ दशक भन्दा बढी काम गरेका शर्मा आगामी दिनमा पनि यहि क्षेत्रमा नै सक्रिय रहने बताउँछन् ।
वि.सं.२०८० वैशाख १३ बुधवार १०:५९ मा प्रकाशित