धादिङ । धादिङको धुनीबेशी नगरपालिका र थाक्रे गाउँपालिका जोड्ने गणेश खोलामाथिको पुल भासिएपछि राजमार्ग दुईतर्फी बन्द भएको हो ।
पुल भासिँदा दुईतर्फी सवारी आवागमन बन्द हुँदा यहाँबाट आवातजावत गर्ने यात्रु बीच बाटोमै रोकिएका छन् ।
सडकको बीच भागमा ठूलो भ्वाङ परेको र धुनिबेसी नगरपालिका– ६ धार्केतर्फ गणेश खोला पुल नजिकै सडक भासिएपछि राजमार्गमा सवारीसाधन पूर्ण रुपमा ठप्प भएको जिल्ला प्रहरी कार्यालय धादिङका प्रहरी नायव उपरीक्षक सन्तु जैसवालले बताउनुभयो।
अहिले दुवैतर्फ सवारी बन्द छ। ‘नगरपालिका र गाउँपालिकासहित सडक सुचारु गर्न र वैकल्पिक बाटो खोज्न लागिरहेका छौं,’ जैसवालले भन्नुभयो।
भासिएको ठाउँ नआइसकेका सवारीहरु चितवन र नुवाकोट भएर जानसक्ने र गणेश पुल नजिकै आइसकेका साना सवारीलाई वैकल्पिक बाटोबाट पास गराउने प्रयास भैरहेको उनले जानकारी दिनुभयो ।
वि.सं.२०८० वैशाख १८ सोमवार १७:०१ मा प्रकाशित
