काठमाडौं, बैशाख २७ । यूनियन लाइफ, प्राइम लाइफ र गुराँस लाइफ इन्स्योरेन्स कम्पनी गाभिई कायम हुन आएको हिमालयन लाइफ इन्स्योरेन्स कम्पनीको एकिकृत कारोवार बैशाख २६ गतेबाट सुरु भएको छ ।
एकीकृत कारोबार भई आज बसेको संचालक समितिको बैठकले तीन वटै कम्पनीहरुबाट २/२ जना रहने गरी सञ्चालक समितिको गठन गरिएको छ । साबिक यूनियन लाइफबाट शुलभ अग्रवाल र जीवन कुमार अग्रवाल त्यस्तै, साविक गुराँस लाइफबाट विवेक दुगड र सौरभ दुगड त्यसैगरी, साविक प्राइम लाइफबाट राजिव प्रसाद प्याकुरेल र प्रमिला के.सी गरि ६ जनाको सञ्चालक समितिको गठन गरिएको छ ।
साथै लगत्तै बसेको बैठकले शुलभ अग्रवाललाई कम्पनीको अध्यक्ष पदमा नियुक्त गरेको छ ।
आजै बसको संचालक समितिको बैठकले कम्पनी सचिवमा इश्वर कुमार सेंढाइलाई नियुक्त गरेको कम्पनीले जानकारी दिएको छ ।
वि.सं.२०८० वैशाख २७ बुधवार १४:४६ मा प्रकाशित
