काठमाडौं । अजोड इन्स्योरेन्सको सेयर संरचना परिर्वतन भएको छ।
कम्पनीले सेयर स्वामित्व परिवर्तन गर्दै संस्थापकको ५१ प्रतिशत र सर्वसाधारणको ४९ प्रतिशत कायम गरेको हो। यसअघि कम्पनीमा संस्थापक समूहको ७० र सर्वसाधारणको ३० प्रतिशत सेयर स्वामित्व थियो।
कम्पनीको गत मंसिर ९ गतेसम्म विशेष साधारणसभाले संस्थापक र सर्वसाधारणको सेयर स्वामित्व परिवर्तन गर्ने विशेष प्रस्ताव पारित गरेको थियो। सोहीबमोजिम कम्पनीले संस्थापक समूहको १९ प्रतिशत सेयर सर्वसाधारणमा परिणत गरेको हो।
सेबोनमा दर्ता रहेको अजोड इन्स्योरेन्सको कुल १ करोड कित्तामध्ये संस्थापकको नाममा ५१ लाख कित्ता र सर्वसाधारणको नाममा ४९ लाख कित्ता अभिलेख गरिएको सेबोनले जनाएको छ।
वि.सं.२०८० जेठ ७ आइतवार १३:२८ मा प्रकाशित
