काठमाडौं, ७ जेठ । नेपाल स्टक एक्स्चेन्ज (नेप्से) मा आज आइतबार पाँच कम्पनीको बोनस सेयर सूचिकृत भएको छ । आइतबार नेप्सेमा ५७ लाख ८६ हजार कित्ता बढी बोनस सेयर सूचिकृत भएको हो ।
उक्त दिन सबैको लघुवित्तको कम्पनीको १८ प्रतिशत बोनस बापतको ४ लाख ८६ हजार कित्ता बोनस सेयर सूचीकृत भएको हो । त्यसैगरी, इन्फिनिटी लघुवित्तको २० प्रतिशत बोनस बापतको ८ लाख २९ हजार २६.५६ कित्ता, लक्ष्मी लघुवित्त वित्तिय संस्थाको १५ प्रतिशत बोनस बापतको ५ लाख ७६ हजार ८१ कित्ता, एनएलजी इन्स्योरेन्स कम्पनीको १० प्रतिशत बोनस बापतको १३ लाख २६ हजार ६१४.३६ कित्ता र सांग्रिला डेभलपमेन्ट बैंकको ८.५३४ प्रतिशत बोनस बापतको २५ लाख ६९ हजार २२०.५४ कित्ता गरी जम्मा ५७ लाख ८६ हजार ९४२.४६ बोनस सेयर सूचिकृत भएको हो ।
सूचीकृतपश्चात् यी पाँचै कम्पनीको शेयर सम्बन्धीत शेयरधनीहरुको हितग्राही खातामा जम्मा भएपछि धितोपत्र दोस्रो बजारमा कारोबार गर्न पाइनेछ ।
वि.सं.२०८० जेठ ७ आइतवार १७:५० मा प्रकाशित