काठमाडौं । भोलि जेठ ११ गते उपत्यकामा सार्वजनिक विदा हुने भएको छ । मछिन्द्रनाथको भोटो देखाउने दिन परेकोले भोलि सार्वजनिक विदा दिइने भएको हो ।
सरकारले सार्वजनिक विदाको सूचिमा मछिन्द्रनाथको भोटो देखाउने जात्राको दिन काठमाडौं उपत्यकाका तीन जिल्ला काठमाडौं, ललितपुर र भक्तपुरमा सार्वजनिक विदा दिइने उल्लेख गरेको छ ।
गत जेठ ८ गते जावलाखेलमा पुर्याइएको मछिन्द्रनाथको रथ भोलि भोटो देखाएसँगै जात्रा सम्पन्न हुनेछ । यस सम्बन्धमा औपचारिक निर्णय भने भइसकेको छैन ।
वि.सं.२०८० जेठ १० बुधवार १४:३४ मा प्रकाशित
