काठमाडौं । प्रभु बैंकले एक भन्दा खाता भएका तथा १० वर्षदेखि निष्कृय रहेको ग्राहकलाई सूचना जारी गरेको छ । बैंकद्वारा जारी सूचना अनुसार सो प्रकृतिका खातावालाहरुले अव एउटै प्रकृतिको एक भन्दा बढी खाता खोल्न नपाउने भएका छन् ।
।
नेपाल राष्ट्र बैकबाट जारी गरिएको एकीकृत निर्देशनमा बमोजिम बैक तथा वित्तीय संस्थाले प्राकृतिक व्यक्तिको नाममा स्वदेशी मुद्रामा एउटै प्रकृतिको एक भन्दा बढी खाता खोल्न नपाईने एवं एकजना व्यक्तिलाई एउटै प्रकारको एक भन्दा बढी कार्ड जारी गर्न नपाईने व्यवस्था रहेको छ । सो अनुसार प्रभु बैंकले उक्त प्रकारका खाता खोलि कारोबार गरिरहेका ग्राहकलाई १ भन्दा बढी कार्ड तथा खाता बन्द गरिदिन आग्रह गरेको हो ।
बैंकका अनुसार यस्ता ग्राहकले असार मसान्त भित्र पायक पर्ने नजिकको शाखा कार्यालयमा कार्ड तथा खाता बन्द गर्न अनुरोध गरेको छ । सो समय भित्र त्यस्ता खाताहरु अद्यावधिक नभएमा त्यस्ता खाताहरु बैंकको निर्णयअनुसार निष्कृय गरिने वा रोक्का राखिने बैंकले जनाएको छ ।
साथै, १० बर्ष देखि कारोवार नभइ निष्कृय रहेका खाताको विवरण बैंकले आफ्नो वेवसाइटमा प्रकाशित गरिरहेको हुंदा त्यस्तो खाता रहेका ग्राहकले पायक पर्ने नजिकको शाखा कार्यालयमा गई खाताको बिवरण अद्यावधिक गरी खाता सञ्चालन गर्ने सक्ने बैंकले जनाएको छ ।
वि.सं.२०८० जेठ ११ बिहीवार १८:३६ मा प्रकाशित