काठमाडौं । नेपाल भारत सिमाना नजिक रहेको महोत्तरी जिल्लाको महोत्तरी गाउँपालिका स्थित एनएमबि बैंक लिमिटेडको शाखा कार्यालयमा डाँका समूदरा लुटपाट भएको छ ।
मिति २०८० जेष्ठ १६ गते करिव १२ः२५ को समयमा ३–४ जनाको समुहमा रहेका अपरिचित बन्धुक धारी ब्यक्तीहरु प्रवेश गरी शाखा कार्यालयमा रहेको नगद लुटिएको बैंकले जनाएको छ । सो घटनामा संलग्न ब्यक्तीहरुलाई आवश्यक कानूनी कारबाही गर्नको लागि बैंकद्धारा सम्बन्धित निकायमा अनुरोध भैसकेको बताइएको छ ।
घटनाको अनुसन्धान सम्बन्धित निकायबाट भै रहेको जनाउँदै बैंकद्वारा जारी विज्ञप्तिमा भनिएको छ, ‘उक्त घटनामा कसैलाई पनि कुनै गम्भिर चोटपटक नलागेको ब्यहोरा अवगत गराउँदछौ ।’ अनुसन्धान पश्चात प्राप्त हुने थप विवरणको जानकारी पछि गरार्ईने बैंकद्वारा जारी विज्ञप्तिमा उल्लेख छ ।
वि.सं.२०८० जेठ १६ मंगलवार १८:५६ मा प्रकाशित